Берашта Ӏомаю ПДД, царна лу сердалга къега седкъилгаш
«Гӏашло» яха профилактически кхетаче дӀахьош, Госавтоинспекце болхлой бахар Яндарерча «Берий гӏайре» яхача берий беша, яхаш, дийцар «Сердало» газетага мехкарча наькъа полице.
«Берий беша, наькъа бокъонаш йовзийташ дола «Ӏан никъ» яха ловзар-викторина хилар. Цига дакъа лоацаш дар йоккхагӀча тоабацара бераш. Деша баха ха йоацачар кийчъяьяр наькъа бокъонаш лораяра керттердар довзийташ йола программа, цар иштта йийцар байташ, иллеш аьлар, халхараш дир, лайзар»,- аьлар хоамо.
Къонача доакъашхоша дика дийцар новкъа лелара бокъонех, из хӀаранена ха дезаш долга белгал а деш. Берашта цу юкъе дукха лорабалара даькъ тӀара кердадараш дайзар - сердалга къегача барзкъах хьабоала пайда байзар. Сайрийна е бус цу тайпара сердал луш бола седкъилг эшаш ба, барзкъа тӀа из боаллаш хилча бӀаргагу саг. Юххера а, кхетаче чакхйоалаш, царна делар совгӀаташ.
Цу тайпарча вӏашагӏкхетаро бераш тӀахьех лорадалара, новкъа лелаш сакхетам болаш хилара.
