Тӏема аренашка латтача бӏухошта, уж хьулабергбола цхаралаш хьадеш да вай бераш
Россе Къаман фронта вай мехкарча оагӏон болхлоша «Къона мехкагӏонча» яхача лагере салоӏаш долча берашка дӏахьекхар, тӏема аренашка эшаш дола цхаралаш мишта хьаде деза. Вай бераша шоай кулгашца хьадаь цхаралаш бӏухошка дӏакхоачийтаргда, дукха ца говш.
«Эггара хьалха ӏомалуш, тӏаккха болх кегалуш, делаш, вӏаший новкъостал деш хилар бераш. Дӏахо, дикка из говзал караерзаяьчул тӏехьагӏа, саца безам болаш вацар цхьаккха. Из-м духхьала ӏомавалар хинна ӏац, ер шу доладелча денз, Къаман фронто хьадаь, вай бӏухошка дӏакхачийтар 57 цхарал ба. Моастагӏчо зувргбоацаш, хьулалургболаш, чӏоагӏа эшаш да уж тӏема аренашка. Болх чакхбаьккхачул тӏехьагӏа, бӏухошка, цар дог ураоттадеш, оагӏув хьаллоацаш, каьхат язде дагадехар берашта. Кхувш латтача тӏехьенна чӏоагӏа лоархӏаме да из – тахан боккхача балха юкъе дакъа лаца йиш йолаш, шоай кулгашца хьакхеллача хӏаманца бӏухой денош аттачахьа даха аьттув хилар, боарам боацаш доккха да царна», - дийцар «Сердалога» Къаман фронте.
Цу балхо дикка вӏашкаэзар бераш, чӏоагӏа чам чубенна, дог ураэтта, из гӏо де, оагӏув хьаллаца шоай аьттув хиларах доаккхал деш даьхкар уж.
