Акха хьайбашта ӏангара довла гӏо ду вай мехка
19.01.2026 11:15
Хьунагӏа лелача дийнашта, ӏангара довла гӏо деш ялат тувс мехкарча хьу лораераша. Из хоам «Сердалога» бир цу оагӏонцарча министерствос.
«Магӏалбика кхален хьунашка лела оакхарий, хьайбаш дагадоахкаш, царна хан-ханнахьа ялат увттадеш, болх дӏакхухь Янданаькъан Бориса, Хугой Исроапила. ӏан гӏор эттача, лоа уллача деношка оакхарий меца ца дисийта гӏерт хьуна тӏахьожам лоаттабераш», - дийцар ӏалама гӏулакхех йолча Министерствос.
Болхлоша белгалду, ялат сов дукха увттаде йиш йоацилга, хӏана аьлча шоашта даар лахара тӏера хургдац уж. Хьайбашта доккха дика хул цу гӏулакхах. Гобаьккха лоа уллача хана, царна хала хул шоашта даар лаха.
