Энтомофаг яхача дийнатаца, дӏадийна ялат лораду вай мехка
2026-ча шера дӏадийна ялат зе деча хӏамаех лорадара тӏехьа габробраконаш кхееш ба мехкарча «Россельхозмоттига» филиала болхлой. Из хоам «Сердалога» бир цу моттигера.
«Россельхозмоттига» ФГБУ филиала укх шера шийна хьалхашка декхар оттадаьд – мехкарча лаьттанца къахьегарашта шоай ялат зе деча хӏамаех кӏалхардаккха, шортта беркат чуэца гӏо де. Габробраконаш кхееш къахьегаш ба уж тахан. Габробракон фуй аьнна хаттар эттача, из я энтомофаг оала садоалла хӏама, цо дӏадийнача ялата эггара чӏоагӏагӏа кхераме лоархӏаш дола нӏовциск дув фу хоададеш», - йоах тхогарча хоамо.
Белгалде деза, из садоалла хӏама 70 совгӏа долча доккха зе деча дийнаташта духьала чӏоагӏа дика лоархӏаш йолга. Из садоалла хӏама сиха, геттара чӏоагӏа дӏа-хьа яржаш я, цунга хьежжа зенеча хӏамай фу хоададу цо. Цул совгӏа, ялат хӏетта кхача долалуш, цхьаккха химически молха тоха йиш йоацача хана, йоаржаеш я из.
Иштта тодаьча доазон тӏара ялат довц. Габробракон хилча цхьаккха тайпара «хими» езац, экологически цӏена кхача чуэца аьттув лу цо. Филиала болхлоша лаьтташ дӏадийнарашка кхайкарал ду ханнахьа шоай ялатага хьожаш, бе беза болх чакхбоаккхаш хила яхаш. Деррига лорадар боаггӏача боараме хуле, 2026-ча шера шортта беркат чуэца йиш хургья.
