Гӏалгӏай мехка йоккха, керда проекташ кийчъеш я кагирхошта хьалхалаттарашта, студенташта лаьрхӏа
Гӏалгӏайчен кагирхой гӏулакхех йолча Комитете хилар, цунна чудоагӏача доакъой кулгалхошцара балхаца дувзаденна хьал дувцаш йола кхетаче.
Цига «Сердало» газетага ма аллара, кхетачен доакъашхоша дийцар коррупцена духьаларча вӏашагӏкхетарга яьча кийчонах; цо тӏахьех дешархой, студенташ ӏаьдала бокъонаш йовзаш хилара, коррупцена духьалъоттара де дезар фуд хара. Иштта цига дувца оттадаь дош дар «Ноахал 18:35» яха проект дегӏайоалаяр. Из я къонача говзанчашта болх шаьрбара лаьрхӏа йола майда. Цун кийчо еш, хьахержаб цига дакъа лоацаш хургбараш, иштта белгалъяьй дешар-довзара оагӏонаш, уж лаьрхӏа я кулгал дара даькъ тӏа кердадараш довзийтара.
Цул совгӏа, кагирхоша кийчъю «гергача истола» моттигаш, темаш, болх дӏахьу ханаш оттаю. Уж вӏашагӏйохкаш я кагирхой юкъарлонна лаьрхӏа. Цу кепара уж дӏахьош хиларах мехкарий, кагийча наьха таро хургья шоашта новкъа дола хаттараш дувца, кхелахошца цхьана уж кхоачашде.
