Наха низ барах болча бехктокхамах дийцар мехкахошка
Наха низ тӏалоаттабеш долча зуламах болча бехктокхамах дийцар мехкарча Россе Тохкама оагӏон болхлоша, шоай телеграм-оагӏонга гӏолла. Из хоам «Сердалога» цу моттигера бера.
«Терроризм яха доккха, бӏеха зулам доаржадеш, низ тӏалоаттабечарна боаггӏаш бола бехк бергба. Цу тайпарча гӏулакхий наькъаш тедара тӏехьа, ураотта деза вай дерригаш», - йоах хоамо.
РФ цу зулама духьала къоастадаьраш белгалду цига, тахан чӏоагӏагӏа даьржа дарех дувц. «Наха юкъера барт бохабеш, гоамал юкъейоллийташ, къамаш къестадеш, динцара хӏама кегадеш леладу, бӏеха гӏулакх да из.
Из доаржадераш, цу тайпара гӏулакх леладераш хьаллоацараш, царна гӏо деш, царца бувзаме хиннараш боаггӏача боараме бехктокхаме озаргба ӏаьдало», - йоах цу хоамо.
Къаьстта йоккха терко е еза интернета оагӏонашка гӏолла из хӏама цадаржийтара. Бокъо йоаца, адам хьалхьедеш дола хӏамаш доаржадерашка ӏаьдало деррига хоаттаргда!
Моллагӏа тешаме доаца хӏама зийча, ма хулла сихагӏа хоам бе беза ӏаьдала болхлошка. Вайх хӏаране декхар да хӏама кегацадалийтар, барт, машар лорабар.
