Зӏамигача бера самокат тӏатеха, къайлаваьнна дӏавахар лохаш ба мехка
Интернете араяьннача видеога гӏолла гӏулакх хьадийлла, тохкама болх дӏахьош ба Россе Тохкама Комитета моттигерча оагӏон болхлой. Магасерча Кадыровгӏар Ахьмада цӏерах йолча аллее зӏамига бер электросамокатаца дожадаь, тӏаккха къайлаийккха дӏавахав из саг.
«Лозадаь бер дарбанче ӏочудигад. Самокат хехкаш лийннар, ше бер лозадича, юха ца соцаш дӏавахав, из лохаш ба тахан ӏаьдала болхлой.
РФ Тохкама Комитета республикерча оагӏон кулгалхочо тӏадиллад, из зулам даьр лохаш болх дӏаболабе, аьнна. РФ УК 1-ча даькъа 268 ст. гӏулакх хьадийллад цунна духьала», - дийцар «Сердалога» мехкарча Тохкама оагӏон болхлоша.
Из хӏама ма дарра тохкаш ба тахан мехка. Из иштта нийсдалара бахьан малагӏа да хьожаш, къайлаваьнна дӏавахар лохаш да ӏаьдал. Республикерча Тохкама оагӏон кулгалхочо тӏахьожам беш дӏахьош ба болх.
