Теледарбанчешка, берий унахцӏено лораярга гӏолла пайда эцаргба мехка
Берашта дарбаш дарга, теледарбанчеш йоаржаярга хьожаш ба вай мехка. Из хоам «Сердалога» бир мехкадаь зарбан болх лелабераша.
«Берашта дарба дар таханарча хано дӏадеххача тайпара, дикагӏа хургдолаш юкъебаьккха болх ба из. ОМС гӏолла, цӏагӏа баггӏашехь, лораца къамаьл де, шоай хьал дӏадувца аьттув хургба хӏанз», - белгалдир Келаматанаькъан Махьмуд-ӏаьлас. Геттара гаьна ядача юрташкарча наьха ахчаш доадеш дӏа-хьа аха безаргбац, участкови педиатраша, ха ца йоаеш, бувзаме баьнна дарба деча оарцагӏбоахаргба моттигера, федеральни моттигашкара лораш.
Керда гӏирсаш оттадеш, доккхий хувцамаш деш тоабергба берий поликлиника болх а. Моттигерча кулгалхоша чӏоагӏа къахьегаш латт цу оагӏонца дувзаденнараш ма хулла тоаде гӏерташ, деррига а аттачахьа доаккхаш. Вай мехка теледарбанчеш йоаржаяр боаггӏача боараме хьаллоацаш хургда.
