ГӏалгӀайче хержар профсоюзий кагирхой кхела кулгалхо
ГӏалгӀайче хержар керда «ГӀР профсоюзий цхьанкхийттача тоабай» кагирхой Кхела кулгалхо.
Из болх тӀабиллар Мамилганаькъан Ӏаддал-Мажита, из юкъара болх дӀахьош ва 2018 шера денз, яхаш, хоам бу «Сердало» газетага кагирхой Кхело.
Цига кхадж тоссача дакъа лаьцар ГӏалгӀайчен профсоюзий кулгалхочо Оздой Хаде, СКФО гӀолла Россе профсоюзий Федераце секретара Тлехугова Фаинас, ГӏалгӀайчен Кулгалхочуни Паччахьалкхени администраце викало Ӏалбаканаькъан Тамарас, ГӏалгӀай Республикан Паччахьалкхен инспекце отдела кулгалхочо Эрселганаькъан Микаила, ГӏалгӀайчен моттигерча кхалнаьха Цхьанкхетара отделене кулгалхочун гӀончас Галай Фатимас, иштта кхычар. ДукхагӀчар хьаллаьцар Мамилганаькъан Ӏаддал-Мажит.
Тхоца къамаьл даьчо яхачох, керда кулгалхо Российски Федераце, Москва-Шахьара, бусалба наьха Дин центра чуйоагӀача юкъарча кхела доакъашхо ва. Из ва иштта Московски областа, Москва шахьара сага бокъонаш лораеча кагирхой Кхела доакъашхо. 2023 шера денз таханарча ханага кхаччалца, цо кулгал ду Россе юрташкарча кагирхой цхьанкхетара.
