Суворова цӏерах болча урам тӏарча тика чу яьнна цӏи йоаеш хилар МЧС болхлой
04.02.2026 10:48
Наьсарерча Суворова цӏерах болча урам тӏарча тика чу яьнна цӏи дӏайоаеш баьхкар «Эрзи» яхача МЧС тоабан къахьегамхой. Из хоам «Сердалога» бера цу моттигера.
«Кхача бохкаш йолча тика чу хилар из хатар. 5 кв. метр яр цӏеро дӏалаьца моттиг. МЧС болхлой кадай, лакха говзал йолаш хиларах цӏи, кхы гаьна ца йоалийташ, дӏайоайир, Даьла къахетамца», - йоах тхога бенача хоамо.
Сага хӏама ца деш дӏадижар из хатар. Цӏи ялара бахьан тохкаш ба МЧС болхлой. Бахархошка массаза санна кхайкарал ду цар тахан а! Боккъал а лоралуш хила!
Цӏерцарча кхерамзлен хьалаца дувзаденнараш теркалде! Цӏи ялара кхерам бола бахьанаш теркал ца деш дӏа ма аха, моллагӏа хатар хинна болх эттача «112» номерах телефон дӏатоха, ха ца йоаеш!
