Бокъо йоацаш соцадаь хинна пособи хьадоладалийтар, шин бера нанна
Сага бокъонех вола викал волча латкъа ера Сурхо тӏара яхархо. Цо белгалдечох, хӏара бетта шаккха бера 100%-га кхоачаш пособи доагӏаш хиннай из, бакъда укх шерарча бекарга бетта ахча соцадаьд. Россе Вахара ганза оагӏон болхлоша хьалхадаьккха каьхаташ кердача тайпара чуденнад цо, бакъда массехказа из болх дӏабихьача а пособи хьадолалуш дац.
«Сага бокъонех волча викала СФР гӏолла хьатехкад из гӏулакх, сиха оарцагӏваьнна. Гучадаьлар, каьхаташца цхьацца кхоачамбоацараш хиннилга. Цӏаькха каьхаташ чудалийта, пособи хьадоладалийтар йиш еха кхийстача берий нанна.
2026-ча шера маьтсела бетта 1-ча денгара 2027-ча шерарча бекарга бетта 30-ча денга кхаччалца, бетт-бетта 17 эзар 269 сом ахча хӏара бера хьаухаргдолаш соцам бир ганза болхлоша. Ахча соцадаь хиннача беттах доагӏаш хиннар а хьатӏадалийтар цунна, деррига дикка техка», - дийцар «Сердалога» мехкарча УПЧ. Из гӏулакх иштта дӏадийрза чӏоагӏа гӏадъяха, баркал оалаш яр берий нана.
