Саг верах бехке веш ва республикера вахархо
14.05.2026 09:07
59 шу даьннача мехкахочунна саг вер тӏатетташ ба Россе Тохкама комитета Шолжа кхален тохкама оагӏон болхлой. РФ УК 1-ча даькъа 105 ст. бехктокхаме озаш ва из.
«Тохкама болхлоша белгалдечох, 2026-ча шера бекаргба бетта 27-ча дийнахьа Мужеча Грузински оалача урамерча цхьан цӏен доазон тӏа хиннав из. Цӏаьхха, дов ийккха, шийга хинна топ техай цо 31 шу даьннача мехкахочунна.
Аьтта оагӏорахьарча ворох кхийттаб пхо, лозаваьр дарбанче дӏавугача хана веннав», - дийцар «Сердалога» тохкамхоша. Зуламхо ӏаьдала кара ва. Из гӏулакх тохкаш болх дӏахьош ба.
