Бокъо йоацаш доазол арахьара саг ше волча чувитарах, бехктокхаме эзар вай мехкахо
05.05.2026 09:30
50 шу даьннача мехкахочун гӏулакх тохкаш хилар Магаса кхален суде. РФ УК 1-ча даькъа 322.1 ст. бехктокхаме озаш ва из (Кхыча мехкара саг, бокъо йоацаш, РФ доазон тӏа вахийтарах).
Суде белгалдечох, 2024-ча шера кхыча мехкарча вахархочунга, доал де, аьнна, маьхах машинаш юла моттиг, иштта цох доалла цхьа цIалг дIаденнад цо. Хӏара бетта царех ахча хьаийдеш хиннав из.
Россе доазон тӏа ха яккха, болх бе бокъо луш дола каьхаташ дий техкадац цо цу сагага, хӏаьта из цу юкъа РФ бокъо толхаеш ха йоаккхаш хиннав укхаза», - дийцар «Сердалога» мехкарча прокуратуре.
Кхоабаш ялх бер хилар теркаме лоацаш, ши шу суд йир ӏаьдало вай мехкахочоа; цул совгӏа, 50 эзар сом гӏод техар цунна.
