Вайцига дӀаболабаьб хьун хьайбаш, оакхарий дӏаяздара ӏан болх
Наджгоанцхой бетта 15-ча дийнахьа денз, чарахьал деча мехка даькъ тӀа, ГӏалгӀайчен Ӏалама Министерствон хаьхоша, чарахьаша дӀаболабаьб хӀара шера дӀахьош бола тохкама болх, яхаш, дийцар «Сердало» газетага республикан Ӏалам лорадара боахаме.
«Карарча шера говзанчашта хьалхашка латта декхараш да 109 даькъ тӀа хьун дийнаташ дӏаяздеш болх дӀабахьа, цар шоашца лелабу къоалам, блокнот, гӏа буста гӏирс, къулба. Хӏара наькъа лаьрххӀа дола каьхат хьадоладу. Ӏан наькъа йоазув дӀахьоргда шин бетта, тушола бетта 15-ча денга кхаччалца.
ГӏалгӀайче Ӏана замах беш бола болх дӀабахьара лоацца ха лорае езаш хул, из я лоа Ӏодилла ха»,-аьлар ГӏалгӀай Республикан Ӏалама Министерство беча хоамо.
Шин бетта хьунашка белгалъе таро хургья тӀехьарча ден-бус хьайбаша, оакхароша йита лараш, мел дӀа-юха уж дахад лархӀа тапро хул; иштта дӀаязду нийслуш дола оалхазараш. Цо таро лу ГӏалгӀайчен хьунагӏа мел оакхарий лел ха, цун мах тахка. ГӏалгӀайчен хьунашка нийслуш да тайп-тайпара доккхий оакхарий (гӀал, лийг, сай, акха хьакха, борз, цогал, акха циск), иштта пхьагалий фух яраш. Говзанчаша белгалду оалхазараш мел да.
Из беррига хоам дӀалу чарахьий боахам дегӀабоалабара Федеральни центре. Цу тайпарча ший аргӀагӏа дӀахьоча бехктокхамеча балхо новкъостал ду, вай мехка хьайбай дуне лораде.
