Ший болх дӏаболабеш я, 2030 шерга кхаччалца кагирхошта говзал харжа гӏо ду оагӏув
Гӏалгӏайчен Паччахьалкхено чӏоагӏдир, кагирхошта болх бе моттиг харжа гӏо ду федеральни проект кхоачашъяра дош, яхаш, дийцар «Сердало» газетага республикан къахьегама Министерстве.
«Боахамашта юкъера комисси дӏахьош яр республикан къахьегама Министерствон кулгалхо, паччахьалкхен вице-премьер Мутаӏаланаькъан Хьажбикар керте латташ.
Проекто хьаллоац беррига никъ - дешархошкара, студенташ балхаоттабарга кхаччалца. 7-ча классе багӏа ондаргаш балха професси йовза ӏомабергба экскурсешка гӏолла, иштта царна каст-каста лургба говзанча хьехам, лаьрххӏа йола планаш оттаергья», - аьлар къехьегама министерстве.
Дӏахьош болча балха керттера маӏан да - пайда баргбола, тахана эшаш бола болх царна ӏомабар, из бовзийтар. Цу юкъе доагӏа болхлой тахан дӏабехаш хилара хьал, уж харжар, балха моттигаш царна кийчъяр, цу дерригнена боагӏаш бола мах оттабар. Гӏалгӏайче цу даькъ тӏа къахьийгад: эшаш дола каьхаташ тӏаийцад, «наькъа карта» кийча да, хӏаьта болх лоаттабара центраш, дешара моттигаш урхалленаш цаӏ йолча моттига чуйоагӏаш я.
Проект лаьрхӏа я 2030 шерга кхаччалца, из хургья йовзаш а, пайдане а, цул совгӏа кагирхой профессиональни дегӏабоалабеш а, професси харжаргара хьалхарча балха моттигашка кхаччалца.
