Гӏалгӏай мехка ший болх дӏаболабу Халкъашта юкъерча доттагӏала клубо
Гӏалгӏайчен кагирхой керттерча моттиго тӏаийцар, Халкъашта юкъерча доттагӏала клуба доакъашхой. Цар дийцар карарча шера бе безача балхах, иштта белгалдир халкъашта юкъерча кагирхой бувзам чӏоагӏбара шоаш де лаьрхӏар.
«Къаьстта йола терко тӏаяхийтар Индера баьхкача студентий культуран хаттарашта. Кхетаче дӏахьош кхыча мехкарча студенташта дийцар культурах, ӏадатех, республикан вахарах, цига хьоахадир, царна уж гӏулакхаш дикагӏа довзийтара болх дӏабахьа безарах, керда бувзамаш лахара майда хьакхолларах», - аьлар «Сердало» газетага Гӏалгӏайчен кагирхой Комитете.
Доттагӏала клуб, шоайла нах бовзара, къамаьл дара дика моттиг я, цига кхыча мехкара баьхкача а Россе а студенташа шоай культура, ӏадаташ, къаман мах бараш дӏа-юха эц. Проекташка дӏахьоча балхага гӏолла, царна юкъера бувзам чӏоагӏлургба.
Цхьана кхоллама болх дӏабахьара новкъарле еш хӏама дац, царна кхы а гургда дукха дика гӏулакхаш, цох хьахургья юкъара котало.
