Гӏалгӏай мехка хержар грэпплинга тоабан воккхагӏа вола керда тренер
26.06.2026 16:41
Гӏалгӏайчен физически культуран, спорта Министерстве хьакхайкадир, мехка грэпплинга тоабан керда тренер харжар.
«Султиганаькъан Мухьмад-Басир хьожавир цу лакхача дарже, Гӏалгӏай Республикан спортивни Федераце президента Белхарой Руслана амарах. Цо таро лургья Гӏалгӏайчен спортсменаш ерригача российски, халкъашта юкъерча яхьашка дика кийчо яь хилийта.
Федераце кулгалхочо ше тешаш ва аьлар, воккхагӏа волча тренера грэпплинг дегӏайоалаяра керда таронаш юкъе йоахаргхиларах.
Белгалду, Гӏалгӏай Республикан спортивни латара Федераце дика дегӏадоаладу шоай лоӏаме, эллиной-румий латар, панкратион, грэпплинг. Гӏалгӏай спортсменаш даим котбувл Россе, Европан, дунен яхьашка.
