Гӏалгӏайче беррига низ вӏашагӏтох, исторически дагалоаттам лорабара
Гӏалгӏай ӏилма-тохкама институте хилар, ӏилман практически семинар. Из хетаяь яр Даьхе лораеш латтарашта, гӏалгӏай йоазонхой, поэтий кхоллама болх юкъебоаккхаш вӏашагӏъелла яр из. Кхетаче дӏахьош дакъа лоацаш хилар СВО ветеранаш, республикан Халкъа Гуллама депутаташ, «Даьхен лорабой» ганза моттигерча филиала викалаш, юкъарлон тоабаш, яхаш, дийцар «Сердало» газетага Гӏалгӏайчен Паччахьалкхено.
«Семинар дӏахьош доакъашхоша дийцар, Даьхен бӏухошта карагӏдаьннар, гӏалгӏай литературан кхоллама балха юкъедаккха дезаш хилар. Къаьстта йола терко тӏаяхийта еза исторически дагалоаттам лелабара долча хаттарашта, тӏема ӏадаташ лорадара, иштта гражданско-патриотически мах бараш вӏашагӏдохкаш, литературанна ший дакъа юкъедахьа деза. Доакъашхоша дийцар ӏилман юкъарлонца бувзам лелабе безарах, турпала тӏехьале йоаржае езарах, иштта исторически дагалоаттам лорабарах. Таханарча турпалхой денал цӏаккха а дицлургдоацаш дергда цхьана болх дӏахьош хиларо», - аьлар тхоца къамаьл даьчо.
Дӏайихьача семинара чаккхе еш белгалдир, цун доакъашхоша
цу тайпара кхетаченаш дӏахо а дӏахьоргья, аьнна, цу юкъе ӏилман юкъарлон викалаша, лаьрххӏача операцен ветеранаша, юкъарлон организацеша дакъа а лоацаш. Цу тайпара цхьана болх дӏахьош хиларо таро лургья исторически дагалоаттам лорабе. Кастлуш лаьрхӏад - герга истолаш, ӏилман-практически конференцеш дӏаяхьа, иштта керда дешара проекташ хьакхолла.
