ГӀалгӀай мехка дийцар, 3D-Ӏадсаькх кхоссара Россе Чемпионатага кийчо ярах
ГӀалгӀайчен Магасе дийцар 3D – Ӏадсаькх кхоссарца ювзаеннача Россе Чемпионатага кийчо ярах. Кхетаче дӀайихьар хьалхарча вице-премьера Йовлой Мухьмада кулгал деш.
«Цу йоккхача кхетачено ГӀалгӀайче духхьаш гулвергва 400 гаргга спортсмен. 2026 шера кӀимарса бетта 15-ча денгара 20-ча денга кхаччалца Республикански спортивно-кийчбалара «Мужече» яхача центра, иштта ЖӀайрахьа кхален Аьга-Кхала даькъ тӀа дӀахьоргья безам тӀабодаш йола яхьаш. Цунца дувзаденнача дерригача хаттарашта жоп лур я Ӏадсаькх кхоссарах йола моттигера Федераци; ГӀалгӀайчен физически культуран, спорта Министерство.
«Тхона из лоархӀаме гӀа ба спортивни оагӀув, туризм дегӀайоалаеча. Оаха лерхӀ, 3D-Ӏадсаькх кхоссара Россе Чемпионате ГӀалгӀайче дикача оагӀорахьа гургья, аьнна, цо гойтаргья мехка Ӏалама, культуран таронаш, чӀоагӀъергья Ӏадсаькх кхоссара спорта оагӀув. Из болх лелабеча боахамашта тӀадиллад спортивни гӀишлош кийчъяр, дика хьалаш, кхерамзлен Ӏалашо хьакхоллар», - аьлар Йовлой Мухьмада.
