Россе Президент хоржаш, тӀахьожаргвола 320 саг Ӏомавеш ба вайцига
02.02.2024 09:05
ГӀалгӀайче лаьрхӀад, Россе Президента хоржамаш долаш, тӀахьожаш хургвола 320 саг Ӏомаве. Юкъара тӀахьожама болх дӀахьош хургба тайп-тайпарча балхаш тӀара нах, хьехархочунгара дӀаболабенна администраце болхлошка кхаччалца, яхаш, хоам бу «Сердало» газетага Наьсарен шахьара администраце.
«ТӀахьожараша новкъостал ду хоржамаш нийса дӀадахьа, кхоачамбоацараш юкъе а доацаш. Цудухьа уж берригаш Ӏомалу из болх лерттӀа хьабе. ТӀахьожаш хила безам бар моттигерча штабе хьава веза», - йоах хоамо.
Белгалдаккха дезаш да, хоржамаш дӀахьош лоархӀамегӀдар да, кхадж тоссача хана беш бола болх, законо дӀадеххача тайпара, цӀена а нийса а хилийтар.
