«Хьалхарчар болама» оагӏонцара яхьаш я мехка кхайкаяь
20.04.2026 11:27
«Хьалхарчар болам», «МедиаЛаб» оалача студей яхьаш я вай мехка дӏакхайкаяь. Берашта, цар даьшта, ноаношта из гӏулакх доаржадара тӏехьа дӏахьош болх ба из.
«Доакъашхошца кхоллама, наха юкъера гӏулакхаш хьаллаца, дикка доаржаде хьожаш ба цу гӏулакха хьалхалаттараш. Дакъа лаца, шоай начӏал гойта йиш йолаш ба 12 шергара 17 шерга мел кхаьчараш. Виъ дешархо, цхьа хьехамча ва кхетачен бокъонашка хьежача яхьашка дакъа лоацараш.
Капитана, дехар чуденна, маьтсела бетта 20-гӏа ди тӏакхачале, дакъа лаца ловраш вӏашагӏтоха беза, дӏахо дехарах «Болама юкъе хила, тхоца хила!» яхача теман видиовизиткан ссылка дӏахотта еза», - дийцар тхога «Хьалхарбарий болам» яхача оагӏон зарбан болх лелабераша.
