Мехкара хаоттам михьарбала мегаш да гӏулакх
16.07.2026 12:41
Укх бетта 16-ча денгара 19-ча денга кхоачаш, республикерча хаоттама хьал хувцадала тарлуш да. Из хоам «Сердалога» бера МЧС болхлошкара. Тахан тха газетага кхаьчача хоамах, мехка геттара чӏоагӏа ди детташ, тӏоа сегаш, ша тохаш, 20-25 метр секундах мух хьекхаш, догӏаш хила тарлуш да.
Мехкара хиш айдалар кхерам ба, иштта лоаман моттигашка токхамаш хургдац оалилга дац. МЧС болхлоша мехкарча бахархошка кхайкарал ду; лоралуш, моллагӏча хатара духьала кийча хила, яхаш. Дагадоаца хӏама нийсденна болх хуле, «112» номерах телефон дӏатоха езилга хьалхадоаккх МЧС.
