Тӏой-Юртарча СВО доакъашхочун дезала гӏо дергда
29.01.2026 13:07
Тӏой-Юртарча СВО доакъашхочун дезала гӏо де хьожаш ба Наьсарен кхален хьакимаш. Из хоам «Сердалога» бера администрацера.
Вай мехкадас Келаматанаькъан Махьмуд-ӏаьлас тӏадилла декхар да СВО доакъашхошта, цар дезалашта терко лоаттаяр. Из тахан керттерча декхарех да.
«Тӏой-Юрта бахаш бола бӏухочун Гӏазакханаькъан ӏийсай Ислама дезал болча яха хилар администраце болхло Саганаькъан Мадина, шийца «Даьхен лорабой» яхача ганза доакъашхой болаш.
Даьхен гӏулакха араваьнна, тӏема юкъе лел тахан Ислам», - йоах тхогарча хоамо. Бӏухочун цӏагӏа шийла я, чуйилла йӏовхал цахиларах. Администраце болхлоша из гӏулакх аттачахьа доаккхаш болх дӏахьоргба.
