Вахар хаьдача СВО доакъашхой дезалашта гӀо лоаттаду мехка
«Даьхен лорбой» яхача ганза моттигерча филиала болхлоша гӀо лоаттаду Донбассерча тӀема операцен юкъе вахар хаьдача бӀухой дезалашта. Филиала болхло вола Коазой Хьамид укх наькъа ваха хилар Ӏалбаканаькъан Ӏаддал-Ӏазита цӀагӀара нах болча.
«Турпалхочун даьна, Ӏалбаканаькъан Мусайна ГӀалгӀайчен паччахьалкхен 100 шу дизарах йола майдилг елар Коазой Хьамида «Даьхен лорбой» яхача ганза моттигерча филиала хьалха латтача Оздой Муслимагара. Ганза филиала болхлошта доккха баркал аьнна, шоай вахара хьалах, кхелхача виӀий дезалах дийцар турпалхочун дас. СВО доакъашхочун да Паркинсона оала хала лазар долаш ва, дуккхаза тайп-тайпарча моттигашка дарба де ихав из, ганза болхлоша гӀо деш, хӀаьта укх наькъа ЖӀайрахьарча дарбанче Ӏовижа ха яккха ловш ва ше, аьлар цо. Из хӀама къоастадергда йоккха юкъ ялалехь», - дийцар «Сердалога» «Даьхен лорбой» яхача ганзо.
ТӀема операцена юкъе кхелхача къаман къонгий дезалашца хӀара денна бувзаме ба ганза болхлой. МоллагӀа шоашта эшача хӀаманна, царгара гӀо деха йиш йолаш ба уж.
ТӀадена хӀара хаттар доашхаш, кхоачашдеш, болх чакхбоаккх ганзо.
