ГӏалгӀайче белгалдир хатар дӏадерзадеча боахама керттера декхараш
ГӏалгӀайчен МЧСа балха чаккхе еш, мах оттабир дӀадахача шера боахамо баьча балха, цун керттера декхараш белгалдир. Из хоам «Сердало» газетага бир республикан министрий Кабинете.
ГӏалгӀайче белгалдир, хатараш дӏадерзадерий балха керттера декхараш, де дезараш къоастадир.
«Кхетачен доакъашхой бар боахама болхлой: министра декхараш кхоачашдеш вола Йовлой Александр, Паччахьалкхен Председатела гӀонча Антонов Игорь, ГӏалгӀай Республике гӀолла йолча Россе МЧС ГУ кулгалхо Борисов Вячеслав»,- аьлар хоамо.
Йовлой А. дӀадахача шера баьча балха чаккхе йир, цо белгалдир министерствон балха керттера хаттараш. Иштта дийцар «Бахархой, доазонаш ЧС хьалах лорадар» яха программа лоархӀаме хиларах. Цига дийцар, даь даьннар, иштта цӀера кхерамзлен хаттараш кхоачашдара де дезачох, республика чоалханерча хьалашта кийча хила езарах, цӀера кхерамзлен Ӏалашо е езарах.
Балха кхетаче чакхйоалаш, дика къахьийгарашта совгӀаташ делар.
Паччахьалкхен Председатела гӀончас Антонов Игора баркал аьлар массанена, болх дика дӀабахьарах. Цо белгалдир, республикан МЧСа лакха толамаш доахаш къахьегаш хилар.
