Республике тохкаргда дикагӏа дола гӏон боахамаш, зизай бешамаш
Аьтинга бетта 13-ча денгара 27-ча денга кхаччалца, республике хьаелл къахьегама, кхоллама керда ха; из хетаю ший доалахьа лелабу боахам, доазув тоадара. Укх деношка дӏаболалу яхьа хьалхара бӏал- «Дикагӏа бола гӏон боахам», «Зизай фестиваль».
«Из дика гӏулакх дагадохийтар ва мехка кулгалхо Келаматанаькъан Махьмуд-ӏаьла, цо тӏахьех шоай кулгашца, къахьегамца вай республика хозагӏа еш бола нах белгалбе, уж ахчанца теркалбе. Цу тайпара моттиг духхьал яхь дӏаяхьар хинна ӏац, из лоархӏаме гӏа ба шоай доалахьара боахамаш, бешамаш, доазонаш, хоза кулг тохаш, леладераш хьаллоацача гӏулакха юкъе. Цу тайпара боахам бӏаргабайча бӏарг сийрдабоал, дог гӏоздоал», - аьлар Гӏалгӏайчен Паччахьалкхене.
Шоашта карагӏдоалар гойта кийчабараш, котало яккхара тӏехьабараш шоаш бахача моттигашкарча администрацешка дехараш чудала дезаш ба. Уж дӏаэцаргдолаш, шоай доалахьа леладеча хӏаман никъ бовзийта беза. Цу юкъе дакъа лоацаш волча сага язде деза, ше малагӏа хӏама леладеш ва.
Дакъа лацара ца хилча яргйоацар я видеоматериал. Сурт а видео а дикал йолаш, бешара хозал гойташ хила еза.
Цул совгӏа, гойта деза доалахьарча боахама книжка тӏара йоазув: цу каьхато чӏоагӏъергья бувцача боахама лаьрххӏа йола цӏи.
