Церетели Зураб дагавохийташ, «Дегагӏоз лохаш» яха гойтам хьабелларгба вайцига
Гӏалгӏайчен Паччахьалкхен гойтамий фусаме, хьатӏадоагӏача ерача дийнахьа болх дӏаболабергба «Дегагӏоз лохаш» яхача исбахьален Российски академе дӏа-юха лелача гойтамо. Из безаме проект дӏахьош хилар бахьан да СССРа, РФ халкъа суртанча, академе дукхача шерашка президент волаш болх баь (1934-2025 ш.) Церетели Зураб дагавохийтар.
«Цу гойтаме го таро хургья живопись, графика, доккха сийленгаш дарца цӏихезача говзанчан болх. Цо диллача сурто даим йӏовхал лора. Иштта бар ший новкъостий лоархӏаш хиннача Церетели Зураба а, цунна гонахьарча Российски исбахьален академе суртанчий а болх», - аьлар «Сердало» газетага Гӏалгӏайчен Паччахьалкхен галерее.
«Дегагӏоз лохаш» яхар - из духхьал исбахьален гойтам хинна ӏац, цо цӏихезача говзанчан духлохама кӏийленга кхоачаву, цун кхоллам даим вахара хьал чӏоагӏдеш бола низ ба.
Цу тайпара йоккха Российски исбахьален академе проект дӏахьош хилар, Гӏалгӏайчен культуран вахаре лоархӏаме да. Гойтамо довзийт российски искусствос цахаддаш ноахалаш хьаллоацаш хилар, иштта республикан бахархошта, хьаьшашта кӏоаргагӏа довзийт Церетели Зураба Даьхен, дуненна культуре доккха дакъа дӏалаьца хилар.
