ГӏалгӀай мехка хьайийллар, СВО бӀухошта лаьрхӀа дарба ду керда моттиг
ГӏалгӀайче дика дегӀайоагӀаш я лорий балха оагӀув, цо таро лу СВО доакъашхошта шоаш бахача меттаоттара йола бӀарчча курс дӀаяхьа. Цу даькъ тӀа лоархӀаме да ӏоахашканаькъан ӏ. цӀерагӀча республикан клинически дарбанче меттаоттара лорий керда моттиг хьаеллар. Цун керттера декхар да, эттӏабаь хала човнаш хинна бӀухой меттаоттабеш, хьалхарча аргӀагӏа доагӀаш дола новкъостал дар.
«Отделене хьакхеллад дика меттаоттабе эшаш дола хьалаш: дарбан физкультура, физиотерапи, массаж, вай заман меттаоттабара дола гӏирсаш чулаттача моттигашка шоай дегӏ мукъадаккхар. Деррига дарба говзанчий тӀахьожам болаш дӀахьу. Керттера декхар - могашал меттаоттае, лерттӀа вахар дӀадахьа сага новкъостал дар.
Россе Президента Путин Владимира цкъа белгалдаь Ӏийнадац, СВО бӀухошта, цар дезалашта лоаттадеш дола новкъостал даим а хӏара цӏеннах а хила дезилга. ГӏалгӀайче из болх оаха цаӀ санна вӀашагӀбеллаб, лорий новкъосталгара вахаре эшачунца новкъостал дарга кхаччалца. Тахан цу балха чуйоагӀаш я 11 лорий моттиг. Меттаоттабе новкъостал ду Жӏайрахьа кхален дарбанче, МагӀалбикерча керттерча дарбанче, Илдараха-Гӏалан меттаоттарабара центре, Шолжерча керттерча дарбанче, ГӏалгӀай республикан клинически дарбанче. СВО доакъашхошта лаьрхӀа, уж массайолча оагӀорахьара лорашка чакхбахара дола хьалаш вӏашагӏдехкад. Ше лорашка дӀаваха могаш воацаш бӀухо вале, из дӀавуг лаьрххӀача транспортаца», - яхаш язду ший телеграм-оагӏон тӏа Келаматанаькъан Махьмуд-Ӏаьлас.
Республикан кулгалхоша дика кхетаду, тахан къаман хьашташ денал долаш кхоачашдеш латтача бӀухошта хьалхашка шоаш декхарийла, бехктокхаме болга, цудухьа хӀара денна дӀахьош бола цар йоакхо яра болх соцабеш бац. Федеральни санна, республикан а боараме, Даьхен бӀухой, цар дезал хьаллацара, царна социальни гӀо дара, цар вахарера хаттараш кхоачашдара эшаш мел дар ду хӀара денна.
