Культуран болхлошта хетадаь доккха концерт дӏадихьар мехка
Культуран болхлой Денна хетадаь доккха концерт дӏахьош хилар мехкарча берий театре. Къонабараш, ветеранаш, суртанчаш, библиотеке къахьегараш, музея болхлой, пхьараш чулоацаш дола доккха цӏай дар дездер. Кхетаче дӏахьош хиннар - культуран гӏулакхех йола министерство. Гулбеннача хьаьшашта юкъе вар моттигерча Паччахьалкхено кулгал деш вола Сластенин Владимир а.
«Филармонера болхлой чӏоагӏа эттабар шоай начӏал дӏагойта. Охценаькъан Роза, Мусенаькъан Алина, Налганаькъан Лема, Овшанаькъан Зара, Беканаькъан Рахьман, Хьоашаланаькъан Лолита, иштта кхыбола артисташ бар сцена тӏа шоай начӏал гойташ.
«Дега оаз» яхача рок-группо геттара чӏоагӏа дог айдир наьха, иштта чӏоагӏа безабелар цига «Гӏалгӏайче» яхача халхара ансамбла артисташ. Хьоашаланаькъан Ахьмад, Овшанаькъан Зара бар кхетаче дӏахьош хиннараш. Гуш дар цу гӏулакха дикка кийчо яьлга.
Боккха болх дӏахьош къахьийгадар, кхетаче вӏашагӏйоллаш, филармоне кулгалхочун гӏонча волча Гетагӏазанаькъан Илеза», - дийцар «Сердалога» цу моттигера. Культуран оагӏонцарча болхлой Ди боаггӏача боараме дездир ала йиш йолаш ба вай мохк.
