Дешара оаг1онцарча программайх хьабоаллача пайдахдийцар вай мехка
Дешара программаш берашта юкъе яржара болх цхьан шера 73%-га кхоачаш айбеннаб вай мехка. Из хоам «Сердалога» бир мехкадаь зарбан болх лелабераша.
«Дешара программашка г1олла д1ахо шоай дешарцара х1ама лакхде, вахаре накъадаргдола , д1ахо говзал 1омергьйола г1улакх харжа аьттув ба берий. Таханарча дийнахьа цу оаг1онцара программаш йоаржаеш я 259 ишколашка, иштта 12 кхыйолча дешара моттигашка. 1454 –га кхоачаш йола спортацара, культарацара, 1илманцара, техникацара, туризмацара программаш я шера йоаржаяьраш», - белгалдир вай мехкадас Келаматнаькъан Махьмуд-1аьлас.
2025-ча шера цу программашка дакъа лаьцар 5 шерагара 18 шерага кхоачаш долча 88 эзар совг1а бераша. 15 эзар совг1а бераш да спортаца шоай дег1а низ ч1оаг1беш дараш, 2300 бераш да культуран оаг1онцарча проекташта юкъе. Таханарча дийнахьа нач1ал дола къонабараш гучабоахаш 61 театр да ишколашка болх д1ахьош.
Цу лоарх1амеча, боккхача балха юкъе дакъа лоацаш я «Олимп» яха нач1ал долча берий лицей. Цига д1айихьар 105 профилни сменаш, дакъа лоацаш хиннараш 4200 бераш дар.
Вай мехка истори, культураца дувзаденнараш, 1алам, тристически моттигаш йовзаш да бераш тахан. Х1аьта шоаш 1омадаьр, шоай нач1ал гойта аьттув ба цар тайп-тайпарча кхетачешка, фестивалашка г1олла. 2026-ча шера таьрахьашца дувзаденнарий оаг1онашка г1олла – «Кванториум», «ИТ - куб», «Точка роста» доаржадерга бераша шоаш 1омадаьр.
