Наькъашкара хатараш, 10%-га кхоачаш, дукхагӀа хиннад, цу лостамагӀа къахьега лаьрхӀа ба мехка
Цхьацца мехкарча гӀулакхех дувцаш йола аргӀанара йоаца езткълагӀа кхетаче дӀахьош хилар Парламенте. Из хоам «Сердалога» бир МВД. «Эггара чӀоагӀагӀа терко тӀаяхийтар прокурора лоткъамий оагӀонна. Массехк йоалацарча бокъонах дийцар депутаташа: машинашцара йоал, ИП лаьрхӀа патент, ловзарий бизнес», - йоах Ӏаьдалгара бенача хоама тӀа.
Мехкарча чухьарча гӀулакхех йолча министерствон хьалха латтача Котов Владимира йийшар уж деррига хаттараш чулоацаш йола доклад. Цхьацца бокъонаш лора ца ярца, иштта машинашца, гӀаш леларий кхерамзлен хьал лорадарца дувзаденна дар къамаьл. «3,5%-га кхоачаш айденнад зуламаш.
Геттара доккхий зуламаш 14,5%-га кхоачаш лохденнад, бакъда доккхийдараш 9%-га кхоачаш айденнад. 40%-га кхоачаш да юкъара хьал. Экономически оагӀонцара зуламаш тахан 28%-га кхоачаш айденнад, кхааш ийдар- 43%. Миллиард сом ахчага кхоачаш да хинна зе. Наркотикаш йоаржаяр тахан 12%-га кхоачаш айденнад, 23 кийла совгӀа дола «дохьаж» да тахан Ӏаьдало хьадаьккхар», - йоах тхога бенача хоамо. Наькъашка нийслуш дола хатараш а 10%-га кхоачаш урагӀдахад.
Мехкарча Парламента депутаташ, МВД болхлой, иштта кхыйолча моттигашкара къахьегамхой этта хьал меттадоаладара тӀехьа дикка къахьега лаьрхӀа ба.
