Гӏалгӏай мехка белгалдаьккхар: бизнес регионах тешаш хилар
Гӏалгӏай мехка 2025 шера 9 бетта инвестицеш юкъеяхара хьал дегӏадера 10,5 млрд сома. Из да бизнес республикан таронех тешаш хилар, яхаш, хоам бу «Сердало» газетага Гӏалгӏай Республикан Кулгалхочун зарбан болх лелабераша.
«Дӏадахача шера, Инвестицей кхеле оаха могайир ворхӏ керда проект. Кулг яздаьд технопарк, кӏалах хӏамаш ю промышленность, СПА хьаьший цӏен комплекс, бизнес – Наьсаре центр, мах бара- цӏенчкъаьран боахам, иштта мах бара-салоӏама комплекс Магасе хьалъяра. Кхы а цхьа йола проекташ кийчъеш тӏаэцаш я», - аьлар Келаматанаькъан Махьмуд-ӏаьлас.
Иштта, республике кийчо еш я, хьалха могаяь, 5,4 млрд сома маьха йола инвестицеш юкъеяхара. Из деррига мехка хьадеш хиларо таро лу тӏехьара тӏа 800 балха моттиг хьакхолла.
Мехка ӏаьдало керттера терко тӏайохийташ йола оагӏув я, «Чакхъяха» еза проекташ. Уж я инвестицей таро 23 млрд сом дола 11 оагӏув. Хӏанз юкъеденад 8 млрд сом, хьакхеллай кхо бӏаь балха моттиг.
Дика дӏахьош ба ӏT отела, ӏT академе болх. Цул совгӏа, ший ханнахьа хьалъе лерхӏ «Сунжа» яха теплични гӏишло.
Эшаш йола терко лоаттаю хьалъяь яланза йолча дукха болх чубоагӏача гӏишлошта. Цох тара дола хьал хилара масал да, ши шу хьалха болх бе йолаенна «РИАЛ» яха завод.
Республикан кулгалхоша, Паччахьалкхено, массайолча балха моттигаша, боахамаша дӏахо а хьакхоллаш да инвесторашца болх бара дика хьалаш, цунца цхьана ӏалашо ю хьамсарча мехка экономика дегӏайоалаяра.
