Гӏалгӏай мехка къаман проектах йоккха йиъ ишкол хьалъеш я
Гӏалгӏайчен Шолжа кхале хьалъеш латт 250 дешархочоа лаьрхӏа ишкол. Из гӏишло хьалъеш я Гӏажарий-Юрта «Стройкомфорт» ООО генеральни гӏишлонхой низаца. Вай заман комплекс хьалъяро таро лургья, кхы а 19-ча бӏаьшере хьалъяь къаьнара ишкол тӏехьа а юташ; цӏенача, кердача ишколе деша, болх бе. Хӏанз из 17% йистеяьннай, аьлар республикан гӏишлошъяра Министерстве.
«Юххьанца федеральни программаш лаьрхӏа яцар цу моттигашка керда ишколаш хьалъяра ахча юкъедахийта. Бакъда, Гӏалгӏайчен Кулгалхочо Келаматанаькъан Махьмуд-ӏаьлас къахьегарах, уж хьалъе таронаш корайир. Цу контракта мах ба 374,3 млн сом. 5 236 кв.м йола гӏишло ахчанца кхоачам болаш я, из хьалъяь яргья 2028 шера ардара бетта. Дӏахьош болча балха дикалга хӏара дийнахьа хьож ГIР УКС говзанчаш», - аьлар Гӏалгӏайчен гӏишлон министра Иленаькъан Мусас.
Керда гӏишло хьалъеш я «Кагирхой, бераш» яхача проектах («Деррига дикагӏдар - берашта» яхача программа чуйоагӏаш). Из хьаелларо таро лу юртара дешара моттигаш кхоачам болаш хилийта. Белгалду, цу федеральни проекта чуйоагӏаш - Пхьилекъонгий-Юрта, Кердача Реданте, Галашка кхы а йоккха кхоъ ишкола хьалъеш я.
