Нацизм меттаоттае гӏерташ хиларах дегабуам беш, моттигера цхьа саг лаьцар
Гӏалгӏайчен бокъонаш лораераша хьалаьцар 30 шу даьнна Наьсарен кхален Долакха-Юрта вахархо, нацизм наха юкъе хьаллоацаш хиларах. Цу сага, дӏадахача шера маьтсела бетта, Гаьнарча Малхбоалехьа вахта балхаш де вахача хана, ший оагӏон тӏа йоазонна кепа техар бувзамашка. Цун чулоацам теркалбир бокъонаш лораеча ӏаьдало.
«Ставропольски крае гӏолла йолча МВД ГУ экспертно-криминалистически центра говзанчаша дӏабихьача лингвистически тохкамо чӏоагӏдир, цу йоазон юкъе нацизм могаеш хилара кеп йолга.
Тохкама болхлоша гулъяьча материалах хьадийллар уголовни гӏулакх РФ УК 2 д. 354.1 ст. (нацизм могаеш хилар, хоамий - телекоммуникаце бувзамаш юкъе а доахаш, цу даькъе «Интернета» бувзамаш)», - аьлар «Сердало» газетага Гӏалгӏайче гӏолла йолча Россе МВД зарбан болх лелабераша.
Из саг республикера аравала йиш йолаш вац, Тохкама болх дӏахо дӏахьош ба.
