ГӏалгӀай мехка гӏо ду, СВО веннача бӀухочун фусам-нанна Джимханова Марема
15.01.2026 15:18
ГӏалгӀайчен ганза филиало хьаллоац, ЛаьрххӀа йола операци дӀахьош веннача Шолжа-Шахьарерча бӀухочун дезал. Цун фусам-нанна укх деношка новкъостал дир, доагӀаш дола паччахьалкхен ахча хьаэца, яхаш, хоам бу «Сердало» газетага.
«Из гӀулакх дика чакхдаккхара, вахарца дувзаденна дешаш къестаду болх лелабечо эшаш дола каьхаташ гулдир, дӀахо де дезар хьалхадаьккхар, иштта эшаш дола гӀо дир цу даькъ тӀа.
Цу наькъаца къонача кхалсага лоаццача хана ахча хьаделар, гӀайгӀа кхаьча йоаллача цунна из доккха новкъостал дар», - аьлар хоамо.
Ганзе белгала ма дарра, хьалхагӀа Джимханова Марема лаьрххӀа дола паспорт деннадар, цунга гӀолла хӀанз цун таро я вахаре эша новкъостал хьадеха.
