«Турпалхочун никъ» яхача программа балха цхьадолча доакъой чаккхе йир
ГӏалгӀайче мах оттабир «Турпалхочун никъ» яхача программа балха даькъ тӀарча толамашта, из хьакхеллай РФ Президента Путин Владимира тӀадиллача декхарах, «Турпалхой ха» яхача проекта чуйоагӀаш, яхаш, дийцар «Сердало» газетага ГӀР Кулгалхочун зарбан болх лелабераша.
Цу программо кийчбу ЛаьрххӀача тӀема операце бӀухой, ветеранаш кулгал дара балхаш тӏа хьежабе дагахьа, цо боккъонцахьа йола таро лу Даьхен бӀухошта Ӏаьдала мугӏарашка болх бе.
«Саькура бетта 29-ча денгара 2025 шера бекарга бетта 1-ча денга кхоачаш хьачуденнаад 174 дехар. Дикагӏбараш харжара хьокхамга диллача, 9 саг Ӏомавала волавеннав, кхы а 32 балха оттара даькъ тӀа ва. ӏомавалар дӀахьу очно-заочно кепара, цу юкъе стажировка яр а долаш. Методически новкъостал ду Къилбаседа Кавказа института - РАНХиГС филиала, иштта Президентски академе паччахьалкхен урхаллен Лакхерча ишколо. Баркал оал аз говзанчашта, из программа дӀахьош, профессиональни оагӀорахьара уж хьаллацарах», - аьлар республикан кулгалхочо Келаматанаькъан Махьмуд-Ӏаьлас.
2025 шера аьхки доакъашхошта эшаш бола Ӏомавалара кхетам белар, доакъашхошта кулгал дара, керттера хаттараш вӏашагӏдохкара, проекта болх, бокъоний оагӀув йовзара даькъ тӀа. Карарча хана 7 доакъашхо, Ӏомавалара кхоалагӀа дакъа дӀахьош ва. Шера дӀахьоча цу программа чудоагӀаш да дешар, хьехамчал, практически болх дӀабахьар 2026 шера июнь беттага кхаччалца.
Мехка кулгалхошта, - аьлар Махьмуд-Ӏаьлас, - чӀоагӀа лоархӀаме да СВО доакъашхой дика балха дӀатарбалар, цар дӀахо паччахьалкхен Ӏаьдала балха даькъ тӀа профессиональни дегӏабахкар.
«Хӏанззе а гуш да, уж цу хьалашта раьза хилар, бехктокхаме хилар. Баркал оал аз программа доакъашхошта, хьамсара мохк дегӀабоалабара гӀулакх де уж кийча хиларах», - аьлар Макшарипа Махьмуд-Ӏаьлас.
