Гӏалгӏай мехка къаман проекташ кхоачашъеш, болх мишта баьб хьежар
Гӏалгӏай мехка аргӏанара кхетаче дӏахьош, къаман проекташ кхоачашъярах дийцар республикан министрий Кабинете. Цига кулгал деш вар республикан Паччахьалкхен кулгалхо Сластенин Владимир.
«Тахан Президента Путин Владимира хьалхашка оттаеш йола къаман проекташ лаьрхӏа я, республикан бахархой вахара хьалаш тоадара: вахара оагӏув дегӏайоалаяра, дезал хьаллацара, дешар тоадара, унахцӏено дегӏайоалаяра, наькъаш тоадара, коммунальни хьалаш хьакхоллара.
2026 шера Гӏалгӏайчен къаман проекташ кхоачашъяра хьожадаьд 5,8 млрд сом. Таханарча денга кхоачаш бюджетера хьаденнад 5,1 млрд сом, из дукхагӏа да 87% шера йола план дӏалаьрхӏача. Кӏимарса бетта, 27-ча дийнахьа кассе гӏолла чакхдаьннар 2,7 млрд сом да- дӏадаха даьннар 47% да», - аьлар «Сердало» газетага Гӏалгӏай Республике.
Белгалду, Россе Минфина еча яхачох, вай республика хьалхаяьлар федеральни финансировани еча йиъ къаман проектах. Лакха толамаш даьхад; «Дезал», «Дӏаьха, хьинаре вахар», «Вахара хьалаш», «Экологически дика таронаш» яха программаш кхоачашъеш.
