Гӏалгӏай мехка ЖКХ болх тоабеш латт
РФ Президента СКФО гӏолла викал ваьча Чайка Юре видеоконференце кепара боахамашта юкъерча балха тоабашца кхетаче дӏайихьар. Из лаьрхӏа яр, законах доацаш, ахчанца дувзаденна гӏулакхаш леладеш хилара духьала къовсам лоаттабарца. Цига дакъа лоацаш хилар ГӏР кулгалхо Келаматанаькъан Махьмуд-ӏаьла.
«Кхетаче дӏахьош, техкар вахара-коммунальни боахама, доагора-энергетически комплекса балха даькъ тӏа нийслуш дола кхоачамбоацараш, иштта бокъонах доацаш къайлагӏа балхаш леладар дийцар», - аьлар «Сердало» газетага зарбан болх лелабераша.
Кхетачен доакъашхой терко тӏаэзар лоархӏамерча дешашта: бахархошта дикал йола коммунальни хьалаш лоаттадара, вахаре эшачунца ӏалашо лоаттаеча моттигий болх гуш хилийтара, йоагаяьча электроэнергех дола декхар лаьгӏдара, коммунальни даькъ тӏара материально-технически хьал тоадара.
«Вай республикан ЖКХ болх тешшаме хилара, хин ӏалашо лоаттаяра хаттараш лоархӏаме да. Оаха ше-ший аргӏагӏа кхоачашду хьалхашка нийслуш дола декхараш, дукха проекташ кхоачашъю», - аьлар Макшарипа Махьмуд-ӏаьлас.
Кхетаче чакхйоалаш, кхоачашде деза декхараш белгалдир, уж кхоачашдара ха йиллар.
Федеральни, моттигерча ӏаьдало, бокъонаш лораяра моттигаша, наха тайп-тайпара хьалаш лоаттадара болх тоабергба, иштта вахара-коммунальни куран тӏара комплекс дегӏаяра кӏийле хьакхолларгья, аьнна, тешаш ва Гӏалгӏайчен Кулгалхо.
