Гӏалгӏай мехка дика хьаллоац, бераш дола студенташ
Гӏалгӏайче дегӏадоагӏаш да, къона дезал, бераш дола студенташ хьаллацар, царна дешаш а бераш кхедеш а аттагӏа хургдолаш, яхаш, хоам бу «Сердало» газетага Гӏалгӏай Республикан зарбан болх лелабераша.
«Колледжашка, техникумашка бераш дола студенташ контрактах болчара, бюджетни дешарга боах. Массаболча студенташта, къонача дезалах латтача, дешарах бола мах кӏезиг-кӏезига дӏабала таро йолча боарам тӏа бугаш латт. Цул совгӏа, юкъедоаладу цӏагӏа багӏаш деша йиш йола хьалаш, дешар а, берага хьажар а цхьана дӏадахьа таро хургйолаш», - аьлар мехка кулгалхочо Келаматанаькъан Махьмуд-ӏаьлас.
Дешара моттигашка тайп-тайпара кхетаченаш дӏахьу, цар ӏомабу къона дезал даьй сий де, цар яхачунга ладувгӏа, дезалера мах бараш лораде.
Иштта Гӏалгӏай Республикан колледжашка, техникумашка ӏаьдал а, цун чудоагӏаш дола боахамаш а кийчдеш да «цаӏ дола кор», студентий дезалашта, шоашта доагӏаш долча ахчах бола хоам бовзийтара, иштта вахара, психологически, хьехархой вахара аьттув (льгота) царна бовзаргболаш.
Цу тайпара хьалаш накъадоал, керда юкъарлон дакъа хьакхоллара къонача дезалашта, Гӏалгӏайче ваха, къахьега йиш йолаш дола.
«Из болх дика вӏашагӏболларах тийша да мехка хургдар, вай къонача дезала дика хьалаш», - аьлар Гӏалгӏай Республикан Кулгалхочо.
