«ПРОФСТАНДАРТ» ООО балхах 2 млн декхар дӏаделар республико
Гӏалгӏай мехкара прокуратура юкъееначул тӏехьагӏа предпринимателашта доагӏа 2 миллион сом декхар республикан цхьан министерствога доаллаш хилар бакъдир, яхаш, дийцар «Сердало» газетага ГӏР тӏахьожамхоша.
Гӏалгӏай Республикан Прокуратуре тӏахьожама болх дӏабихьар хӏамаш эцара даькъ тӏара гӏулакх мишта латт хьожаш.
«Белгалдир, Гӏалгӏай Республикан таьрахьий дегӏаахара, промышленноста Министерствос, «ПРОФСТАНДАРТ» яхача ОООс паччахьалкхен контракт оттаяь хинннай гӏулакхерча болхлошта профессиональни кийчо яра даькъ тӏара хьалаш лоаттаде. Бакъда паччахьалкхен граждански гӏулакхера болхлой профессиональни кийчбарах доагӏа ахча дӏаденнадац. Декхар 2 млн сом дар», - аьлар хоамо, дӏабихьача тӏахьожама балха чаккхе еш.
Прокуратуро мехка таьрахьий дегӏаахара а промышленноста а Министерствонна юкъера кхоачамбоацараш дӏадахар хьалхадаьккхад. Из цу боахамо тӏаийцад, белгалбеш хинна паччахьалкхен декхара мах беррига дӏабеннаб.
