Гӏалгӏай мехка электроэнерги лораярах пхе шера хинна пайда 1 млрд сомага кхоачаш ба
Гӏалгӏай мехка пхе шера йоаяьча электроэнергех хинна экономический пайда 1 млрд сом совгӏа ба.
Электросеташ дегӏаярах дийцар Магасе республикан кулгалхочо Келаматанаькъан Махьмуд-Ӏаьлас, Россе энергетикан министра гӏончас Конюшенко Петра.
Кхетачен балха юкъе дакъа лоацаш хилар СКФО гӏолла волча Россе Президента викала гӏонча Надыкто Владимир, «Къилбаседа Кавказ Россетий»– «Ингушэнерго» керттера кулгалхо Котаганаькъан Кимран.
Оагӏонаш терко тӏаяхийтар электроэнерги йоаяра долча хаттара.
Иштта 2025 шера «Ингушэнерго» филиале ток 2% кӏезигагӏа йоаяьй дӏадахача шера хинначул.
Тӏеххьарча пхе шера электрически гӏирсашка гӏолла хулаш дола зе лаьгӏдара йолча Программах вӏаштӏехьдаьлар 278,3 млн киловатт-сахьат кӏезигагӏа хилийта, из да цхьа миллиард сома нийса.
Программа чудоагӏаш, 2020-2025 шерашка Гӏалгӏайче оттаяьй 15 745 «хьаькъале» счетчик, тоадаьд 340,4 км тока оагӏонаш; 10-0,4 кВ тишбенна саьрг дӏа а боаккхаш, бӏоагӏаш а хувцаш.
Иштта хьежар йоал хьагулъяра хаттарга, цунга хьежжа тоадара балхаш а дӏадихьад.
Къаьстта йола терко лоаттайир СКФО цаӏ йола ток лоаттаю компани хьакхоллаш.
Республике венача хана, Конюшенко Петр вахар «Магас» подстанце, Левченко Романа накъа а воаккхаш. РФ энергетикан министра гӏонча дайзар цигара хьалаш, болхлошца кхетаче хилар.
