Гӏалгӏай мехка хургья, кхувш йоагӏача тӏехьен ахархой майда
Гӏалгӏай мехка дӏайолаеш я дика проект – Шолжа-Шахьара кагирхой центре хьаеллаш я кхувш йоагӏача тӏехьенна лаьрхӏа йола республике хьалхара ахархой майда. Из боккъонца йола болх ӏомбу майда я, цига теори а бокъонца дола гӏулакх а шоайла дувзаденна хургда. Дешархой, студенташ, хьинар дола нах, дӏабахьа йиш йолаш ба юртбоахама болх, лаьрххӏача лаьттан даькъ тӏа баьцадаараш дӏадергара дӏаболабаь, цар хьувкъам чуэцача ханага кхаччалца.
«Из проект ахча даккхар духьа лелаеш яц, цох дика пайда эца лаьрхӏад. Продукце цхьа дакъа дӏадахьийта лаьрхӏад лаьрххӏача урхалленашка, дарбанчешка, иштта новкъостал дергда из эшача дезалашта, къаьстта бӏухошта гуманитарни новкъостал лоаттадеча. Цу тайпара проекташ лоархӏаме я экономикан оагӏорахьа, кхетам балара даькъ тӏа. Из къахьегам, бехктокхам, юкъара гӏулакх кхетадеш хилар да. Тӏехнахьа кхоале йола ахархой майда дӏайолаергья ер шу чакхдалалехь.
Хӏанз кийчо еш ба доакъашхошта лаьрхӏача дешара программашца», - аьлар Гӏалгӏайчен кулгалхочо Келаматанаькъан Махьмуд-Ӏаьлас, яхаш, белгалду цун зарбан болх лелабераша. Шолжера юртбоахама майда хургья дика пайда луш, хӏаьта кагирхоша кхоана накъадаргдола кердадараш ӏомадергда цига.
