СВО доакъашхой даь, наьна могашал тахка; цӏагӏа дӏаух лорий тоаба
22.12.2025 12:01
Тӏема операце доакъашхой могашал миштай хьожаш, араяьнна лелаш лорий тоабаш я вай мехка. Укх наькъа Илдарха-Гӏалий тӏарча СВО доакъашхочун наьна дехарах, лораш бахийтар «Даьхен лорабой» яхача ганза болхлоша.
Таханарча дийнахьа тӏема операце моттигашка де доацаш байнарех лоархӏаш ва Мержой Тимур. Цун нанас дехар даь, шахьарерча поликлиникаца бувзаме баьнна, из йолч лораш дӏабахийтар. Ший воӏ де доацаш вайнилга хайча, геттара эшаеннай Лидай могашал.
Иштта 2-ча оагӏонцара заӏапхо йола Гӏапура Райшат йолча баха, цун де дезаш дола дарба хьаяздир лораша.
