Гӏалгӏайчен бокъонаш лораераша хьалаьцар саг вийна хиларах дегабуам бер
Шолжа кхале 59 шу даьннача сага герз техар къонача маӏача сага, яхаш, дийцар «Сердало» газетага республикан МВД.
«2026 шера, бекарга бетта 27-ча дийнахьа 19:10 минот яьлча, Россе МВД «Сунженски» доал деча даькъ тӏарча отделе хоам бера, Мужеча яхача кхалсагагара, ший фусам-даьна герз техад аьнна», - йоах хоамо.
Из зулам нийсденнача моттиге сиха дlакхаьчар, Россе МВД «Сунженски» МО даькъ тӏарча полице тохкама-сиха тоаба. ГӏР гӏолла йолча МВД уголовни тохкама Урхаллен отдела болхлой, иштта ГӏР гӏолла йолча МВД Экспертно-криминалистически центра викалаш.
Кастлуш полице къоастадир зулам даь, 1967 шера ваь саг отделе ӏочувоалаваь хилар. Хьагучох, цӏаьхха даьннача довна юкъе, Мужеча вахача 31 шу даьннача маӏача сага когах топ техай. Из саг аьтта хаьн тӏа чов хинна волаш, Шолжа СЦРБ ӏочувигав, цига кхелхав.
Бехке веш волча сагагара ТОЗ- БМ 16 калибра герз хьадаьккхад, цо ший бехк тӏаийцаб.
Тохкамхоша укх деношка цу сага духьала уголовни гулакх хьадийллар, из лаьца чувоалл.
