Эллиной-румий латара тоабан воккхагӏа вола тренер хьавовзийтар мехка
16.12.2025 09:37
Эллиной-румий оалача латарах йолча кагирхой тоабан воккхагӏвола тренер хьавовзийтар мехка. Из ва Россе спорта говзанча, йоккха поалхам йола тренер Хамхой Ислам. «Сердалога» из хоам цу моттигера бир.
«Цу дарже харжарца даькъалавийцар из республикерча спорта гӏулакхех йолча министерствон хьалха латтача Белхарой Руслана», - йоах тхога бенача хоамо.
Министерствон кулгалхочо белгалдечох, лакха говзал йолаш, ший декхараш боаггӏача боараме кхоачашде ховш волча Хамхой Ислама иштта лакха говзал йола спортсменаш кийчбергба аьнна хет вай къаманна.
23 шерга кхачанза болча спортсменашца болх лоаттабе безаш ва из. Белгалде деза, иштта бехктокхаме ший болх дӏахьош бола тренераш тахан вай спорта оагӏонца геттара эшаш болга.
