Дӏахо а дика кердабоаккхаш латт энергетически боахам
Гӏалгӏай мехка тешшаме лакхъеш я энергетически балха овсарле, яхаш, дийцар «Сердало» газетага ГӏР Кулгалхочун зарбан болх лелабераша.
«2026 шера лерхӏаш да мехка энергетически боахам кердабаккха. «Ингушэнерго» говзанчаша цӏенхаштта тоадара балхаш дӏахьу 12 трансформатор тӏа Наьсаре, Шолже, Эккажкъонгий-Юрта, Сурхо тӏа, Яндаре, Даби-Юрта, Пхьилекъонгий-Юрта, Эбарга-Юрта, Инаркъе, Дола-Коа, Алхасте», - аьлар республикан кулгалхочо Келаматанаькъан Махьмуд-Ӏаьлас, цу балхах дувцаш.
Цу боахама чубоагӏача говзанчаша къаьнара гӏирсаш хувцаш, укх заман Даьхен дикагӏдараш оттадеш латт, уж моллагӏа йолча ӏалама халача ханашта духьалъ- отталуш да. Цу дерригане ӏалашо ергья энергомоттигаш дика болх беш хилийтара, цу даькъ тӏа чоалхане хьал а кӏезигагӏа нийслургда, гӏирсаш дукхагӏа болх беш хургда.
