Хала оамал йолча дезалашцара хьехама болх
Магӏалбика кхале, хьехама болх дIабахьара чуйоагIаш, аргӏанара кхетаченаш хилар, хала оамалаш лелаеш болча дезалашца. Къаьстта терко тӏаяхийтар жерал бисача кхалнаха, хьалхагӏа воча наькъ тӏа баьнна лийннача наьха берашта. Цу тайпарча цхьан кхетаче дакъа лоацаш хилар Магӏалбика кхален терроризма духьаларча комиссе болх ӏалашбара йолча отдела кулгалхо Джамболатанаькъан Мухьмад, иштта доал деча даькъ тӏара викалаш, полици.
«Кхетаче дӏахьош керттера терко тӏаяхийтар кагирхой харцача наькъ тӏа баргбоацача хаттарашта, царна из зулам уголовни бехктокхам боацаш цахилар хьалхадоаккхаш бола болх дикагӏа дӏабахьара, Россе законаша дӏадехар кхоачашдара уж тӏахьехаш хилар къамаьл даьраш. Цига иштта белгалдир доал деча даькъ тIарча Iаьдало вахаре эша новкъостал де дезаш хилар, уж дезал нийсача наькъ тӏа бахар хьаллоацаш, царца болх бе безилга. Цу тайпара кхетаченаш каст-каста дӏахьу, уж лаьрхӏа я харцахьара гIулакхаш юкъера дахара, юкъарлон кхерамзле лораяра», - аьлар «Сердало» газетага Магӏалбика кхален администраце.
ӏаьдала викалаша белгалду, цу тайпара болх царца дӏахо а дӏахьоргхилар.
