ГӏалгӀайчен доал деча даькъ тӏара спорткомплексаш дӏалу, цу лоcтамагӏа болча боахамга
ГӀР Кулгалхочо паччахьалкхенна тӀадиллар, доал деча даькъ тӀара физкультуран-унахцӀенон спортивни гӏишлош республикан спорта Министерствон доалахьа дӀаялар, яхаш, хоам бу мехка Кулгалхочун зарбан болх лелабераша.
«Из болх дӀаболабаьб. Дӏахо дегӏайоалаеш я республикан спортивни оагӀув. Центра чуйоагӀаш из хиларо таро лургья гӏишлош тоае. Керттердар – хӀанз федеральни ахчан хьал дукхагӀа юкъедаккха йиш я спорта оагӀув хьаллацара из дегӀайоалаяра. ЦаӀ йолча урхаллено дӀадодаш дар къаьгга хулийт, иштта овсарле йолаш дӀа а дохийт», - аьлар Келаматанаькъан Махьмуд-Ӏаьлас.
Физически культуран, спорта Министерствос, Минфинацеи доалахьарчун Министерствоцеи цхьана, из болх дӀахьош ба. Цо таро лургья ахчан гӀулакх нийса лоаттаде, ГӏалгӀайчен спортивни хьал дегӀадоаладара оагӀув хьаллаца.
Белгалду, хӀара ГӀР юрта ший спортивни гӀирс хилар лоархӀаме да. Физически культуран, спорта дешар дӀадахьар ГӏалгӀай мехка даьржа да, нийса вахара хьисап леладеш бола нах а дукхагӏа хулаш боагӀа.
