Кхачан маьхашта терко лоаттаеш ба, цу гӏулакхах бехктокхаме бола болхлой
Мехкарча промышленностах, бувзамах йолча министерствон болхлоша республике бохкаш болча кхачан маьхашта даиман тӏахьожам лоаттабу. Цу оагӏонцара болх боаггӏача боараме дӏабахийтара тӏехьа еш терко я из. «Сердалога» из хоам бера мехка Кабминера.
«Таханарча дийнахьа керттерча кхачан маьхаш: дулх - 550-600 сом, коартола мах- 30-40 сом кийлах, моажа овла – 30-40 сом, кабуца мах 28-40 сома тӏа латт, генарий даьтта мах - 130-155 литрах, фуий мах иттнех – 70-90 сом», - йоах тхога бенача хоамо.
Иштта белгалду, боарамал тӏехбаьнна мах айбара тӏахьожам лоаттабергболга. Доалахьара, фермерски, АПК боахамий хьал тоадеш хиларо аттачахьа доахаргда вай мехка цу оагӏонца дувзаденнараш. Цу экономически оагӏонна, мехка кулгалхоша къаьстта йоккха терко лоаттаю массахана.
