Дезала бокъонаш йовзийташ, лораеш дола кӏира дӏахьоргда вай мехка
Укх бетта 6-ча денгара 10-ча денга кхаччалца йолча хана, бахархой тӏаийбеш хургба мехкарча УПЧ. Дезалий бокъонаш лораяра тӏехьа дӏахьош кхетаче я из. Россе юстицех йолча министерствон хьалхаленца дӏахьош бола, бахархошта юридически оагӏонцара гӏо деш хургба из болх бу нах.
«Сердало» газетага УПЧ дийцачох, мах бала ца безаш, шоай вахаре нийсденнарех дола тайп-тайпара хаттараш дашха аьттув ба бахархой цу деношка. Цу юкъе да 18 шерга кхачанза барий бокъонашца, дезала бокъонашца, иштта паччахьалкхенгара хьадоагӏача хӏаманца дувзаденнараш.
Лакха говзал йолча юристаша моллагӏа тӏадена хаттар боаггӏача боараме тохкаргда, де дезар хьалхадоаккхаргда. Къаьстта терко еш хьожаргба дукха бераш долча дезалий, заӏапхой бераш дарий, иштта халача хьале нийсбеннача наьха гӏулакхага.
